مل گئے اپنے یار سے اب کی

مل گئے اپنے یار سے اب کی

حظ اٹھایا بہار سے اب کی

لخت دل برگ دل کی طرز جھڑے

مژہ کی شاخسار سے اب کی

جس طرح آگے پھر گئے تھے کہیں

پھر نہ پھریو قرار سے اب کی

دیکھیں کیا کیا شگوفے پھولیں گے

اس دل داغدار سے اب کی

گر وہ آوے تو اتنا کہیو حسنؔ

مر گیا انتظار سے اب کی

mil gae apne yar se ab ki

haz uthaya bahar se ab ki

lakht-e-dil barg dil ki tarz jhare

mizha ki shakhsar se ab ki

jis tarah age phir gae the kahin

phir na phiriyo qarar se ab ki

dekhen kya kya shagufe phulenge

is dil daghdar se ab ki

gar wo awe to itna kahiyo husn

mar gaya intizar se ab ki