مل گیا شرع سے شراب کا رنگ

مل گیا شرع سے شراب کا رنگ

خوب بدلا غرض جناب کا رنگ

چل دیئے شیخ صبح سے پہلے

اڑ چلا تھا ذرا خضاب کا رنگ

پائی ہے تم نے چاند سی صورت

آسمانی رہے نقاب کا رنگ

صبح کو آپ ہیں گلاب کا پھول

دوپہر کو ہے آفتاب کا رنگ

لاکھ جانیں نثار ہیں اس پر

دیدنی ہے ترے شباب کا رنگ

ٹکٹکی بندھ گئی ہے بوڑھوں کی

دیدنی ہے ترے شباب کا رنگ

جوش آتا ہے ہوش جاتا ہے

دیدنی ہے ترے شباب کا رنگ

رند عالی مقام ہے اکبرؔ

بو ہے تقویٰ کی اور شراب کا رنگ

mil gaya shara se sharab ka rang

khub badla gharaz janab ka rang

chal diye shaikh subh se pahle

ur chala tha zara khizab ka rang

pai hai tum ne chand si surat

asmani rahe naqab ka rang

subh ko ap hain gulab ka phul

dopahar ko hai aftab ka rang

lakh janen nisar hain us par

didani hai tire shabab ka rang

tiktiki bandh gai hai burhon ki

didani hai tire shabab ka rang

josh ata hai hosh jata hai

didani hai tire shabab ka rang

rind-e-ali maqam hai akbar

bu hai taqwa ki aur sharab ka rang