مدرسہ

عصرِ حاضر مَلک الموت ہے تیرا، جس نے

قبض کی رُوح تری دے کے تجھے فکرِ معاش

دل لَرزتا ہے حریفانہ کشاکش سے ترا

زندگی موت ہے، کھو دیتی ہے جب ذوقِ خراش

اُس جُنوں سے تجھے تعلیم نے بیگانہ کِیا

جو یہ کہتا تھا خرد سے کہ بہانے نہ تراش

فیضِ فطرت نے تجھے دیدۂ شاہیں بخشا

جس میں رکھ دی ہے غلامی نے نگاہِ خفّاش

مَدرسے نے تری آنکھوں سے چھُپایا جن کو

خلوَتِ کوہ و بیاباں میں وہ اسرار ہیں فاش

asr-e-hazir malak almut hai tera, jis ne

qabz ki ruh tiri de ke tujhe fikr-e-maash

dil larazta hai harifana kashakash se tira

zindagi maut hai, kho deti hai jab zauq-e-kharash

us junun se tujhe taalim ne begana kiya

jo ye kahta tha khirad se ke bahane na tarash

faiz-e-fitrat ne tujhe dida-e-shahin bakhsha

jis mein rakh di hai ghulami ne nigah-e-khuffash

madrase ne tiri ankhon se chhupaya jin ko

khalwat-e-koh-o-bayaban mein wo asrar hain fash