محبت میں تری جب مجھ کو عالم نے ملامت کی

محبت میں تری جب مجھ کو عالم نے ملامت کی

دل و جاں نے تب آپس میں مبارک اور سلامت کی

قیامت جس کو کہتے ہیں یہ اک مدت کا تھا مصرع

یہ میرے مصرع موزوں نے اس قد کی قیامت کی

کیا قمری نے نالہ اور کھینچی آہ بلبل نے

چلی کچھ بات جب گلشن میں میرے سرو قامت کی

جب اپنا کام تیرے عشق میں تدبیر سے گزرا

چلی آنکھوں سے میری سیل تب اشک ندامت کی

سخن کا یہ بزرگوں کی تتبع بسکہ کرتا ہے

نکلتی ہے حسنؔ کی بات میں اک بو قدامت کی

mohabbat mein tiri jab mujh ko alam ne malamat ki

dil-o-jan ne tab apas mein mubarak aur salamat ki

qayamat jis ko kahte hain ye ik muddat ka tha misra

ye mere misra-e-mauzun ne is qad ki qayamat ki

kiya qumri ne nala aur khinchi ah bulbul ne

chali kuchh bat jab gulshan mein mere sarw-e-qamat ki

jab apna kam tere ishq mein tadbir se guzra

chali ankhon se meri sail tab ashk-e-nadamat ki

sukhan ka ye buzurgon ki tatabbo baske karta hai

nikalti hai husn ki bat mein ik bu qadamat ki