محبت

کرشن آئے کہ دیں بھر بھر کے وحدت کے خمستاں سے

شراب معرفت کا روح پرور جام ہندو کو

کرشن آئے اور اس باطل ربا مقصد کے ساتھ آئے

کہ دنیا بت پرستی کا نہ دے الزام ہندو کو

کرشن آئے کہ تلواروں کی جھنکاروں میں دے جائیں

حیات جاوداں کا سرمدی انعام ہندو کو

اگر خوف خدا دل میں ہے پھر کیوں موت کا ڈر ہو

کرشن آئیں تو اب بھی دیں یہی پیغام ہندو کو

مسلمانوں کے دل میں بھی ادب ہے ان حقائق کا

سکھاتا ہے یہی سچائیاں اسلام ہندو کو

وہ میرے جذبۂ دل کی کشش کا لاکھ منکر ہو

محبت سے میں آخر کر ہی لوں گا رام ہندو کو

krishn ae ke den bhar bhar ke wahdat ke khumistan se

sharab-e-maarifat ka ruh parwar jam-e-hindu ko

krishn ae aur is batil ruba maqsad ke sath ae

ke duniya but parasti ka na de ilzam hindu ko

krishn ae ke talwaron ki jhankaron mein de jaen

hayat-e-jawedan ka sarmadi inam hindu ko

agar khauf-e-khuda dil mein hai phir kyun maut ka dar ho

krishn aen to ab bhi den yahi paigham hindu ko

musalmanon ke dil mein bhi adab hai un haqaiq ka

sikhata hai yahi sachchaiyan islam hindu ko

wo mere jazba-e-dil ki kashish ka lakh munkir ho

mohabbat se main akhir kar hi lunga ram hindu ko