بس دل کا غبار دھو چکے ہم

بس دل کا غبار دھو چکے ہم

رونا تھا جو کچھ سو رو چکے ہم

تم خواب میں بھی نہ آئے پھر ہائے

کیا خواب میں عمر کھو چکے ہم

ہونے کی رکھیں توقع اب خاک

ہونا تھا جو کچھ سو ہو چکے ہم

کہسار پہ چل کے روئیے اب

صحرا تو بہت ڈبو چکے ہم

پھر چھیڑا حسنؔ نے اپنا قصہ

بس آج کی شب بھی سو چکے ہم

bas dil ka ghubar dho chuke ham

rona tha jo kuchh so ro chuke ham

tum khwab mein bhi na ae phir hae

kya khwab mein umr kho chuke ham

hone ki rakhen tawaqqo ab khak

hona tha jo kuchh so ho chuke ham

kohsar pe chal ke roiye ab

sahra to bahut dubo chuke ham

phir chhera husn ne apna qissa

bas aj ki shab bhi so chuke ham