محشر میں بھی کسی کے اٹھائیں گے ناز ہم

محشر میں بھی کسی کے اٹھائیں گے ناز ہم

ایسے نیاز مند ہیں اے بے نیاز ہم

ہوگی فقط شریک دعا ایک بیکسی

میت پر اپنی آپ پڑھیں گے نماز ہم

واعظ یہی نہ کہہ دے کہ پیدا ہی کیوں ہوئے

دنیا میں آئیں اور رہیں پاک باز ہم

اس میں بھی کوئی بھید ہے تم جانتے نہیں

کہتے ہیں ایک ایک سے کیوں دل کے راز ہم

جب سنتے ہیں کہ آپ پہ دو چار مر گئے

دلواتے ہیں رقیبوں کی اپنے نیاز ہم

وہ دن گئے کہ داغؔ تھی ہر دم بتوں کی یاد

پڑھتے ہیں پانچ وقت کی اب تو نماز ہم

mahshar mein bhi kisi ke uthaenge naz ham

aise niyaz mand hain ai be niyaz ham

hogi faqat sharik-e-dua ek bekasi

mayyat par apni ap parhenge namaz ham

waiz yahi na kah de ke paida hi kyun hue

duniya mein aen aur rahen pak baz ham

is mein bhi koi bhed hai tum jante nahin

kahte hain ek ek se kyun dil ke raz ham

jab sunte hain ke ap pe do char mar gae

dalwate hain raqibon ki apne niyaz ham

wo din gae ke dagh thi har dam buton ki yad

parhte hain panch waqt ki ab to namaz ham