محفل میں شور قلقل مینائے مل ہوا

محفل میں شور قلقل مینائے مل ہوا

لا ساقیا پیالہ کہ توبہ کا قل ہوا

جن کی نظر چڑھا ترا رخسار آتشیں

ان کا چراغ گور نہ تا حشر گل ہوا

بندہ نوازیاں تو یہ دیکھو کہ آدمی

جزو ضعیف محرم اسرار کل ہوا

دریائے غم سے میرے گزرنے کے واسطے

تیغ خمیدہ یار کی لوہے کا پل ہوا

پروانہ بھی تھا گرم تپش پر کھلا نہ راز

بلبل کی تنگ حوصلگی تھی کہ غل ہوا

آئی تہی دروں کی نہ ہرگز سمجھ میں بات

آوازہ گو بلند مثال دہل ہوا

اس بن رہا چمن میں بھی میں ذوقؔ دل خراش

ناخن سے تیز تر مجھے ہر برگ گل ہوا

mahfil mein shor-e-qulqul-e-mina-e-mil hua

la saqiya pyala ke tauba ka qul hua

jin ki nazar charha tira rukhsar-e-atishin

un ka charagh-e-gor na ta hashr gul hua

banda nawaziyan to ye dekho ke admi

juzw-e-zaif mahram-e-asrar kal hua

dariya-e-gham se mere guzarne ke waste

tegh-e-khamida yar ki lohe ka pal hua

parwana bhi tha garm-e-tapish par khula na raz

bulbul ki tang hauslagi thi ke ghul hua

ai tahi darun ki na hargiz samajh mein bat

awaza go buland misal-e-duhul hua

is ban raha chaman mein bhi main zauq-e-dil kharash

nakhun se tez tar mujhe har barg-e-gul hua