مجھ سے ملنے کے لیے ماہ وہ گھر سے نکلا

مجھ سے ملنے کے لیے ماہ وہ گھر سے نکلا

کام میرا مری آہوں کے اثر سے نکلا

ہو گئیں مشکلیں آسان مری دم بھر میں

نیک اختر یہ مرا شمس و قمر سے نکلا

کیا وہ مطلب تھا فرشتے نہیں سمجھے جس کو

آسماں پر وہی مطلب تو بشر سے نکلا

میٹھی باتوں سے نکلتا ہے جو مقصد اپنا

وہ نہ دنیا میں کبھی لعل و گہر سے نکلا

بعد مدت کے وہ آیا جو تو یہ میں نے کہا

کس طرف سجدہ کروں چاند کدھر سے نکلا

آپ نے خاک جو چھانی ہے حیاؔ دنیا کی

فائدہ آپ کا کیا اتنے سفر سے نکلا

mujh se milne ke liye mah wo ghar se nikla

kam mera miri ahon ke asar se nikla

ho gain mushkilen asan miri dam bhar mein

nek akhtar ye mira shams-o-qamar se nikla

kya wo matlab tha farishte nahin samjhe jis ko

asman par wahi matlab to bashar se nikla

mithi baton se nikalta hai jo maqsad apna

wo na duniya mein kabhi laal-o-guhar se nikla

baad muddat ke wo aya jo tu ye main ne kaha

kis taraf sajda karun chand kidhar se nikla

ap ne khak jo chhani hai haya duniya ki

faida ap ka kya itne safar se nikla