مجھ سے کہتے ہو کیا کہیں گے آپ

مجھ سے کہتے ہو کیا کہیں گے آپ

جو کہوں گا تو کیا سنیں گے آپ

کیا بیان شب فراق کریں

نہ سنا ہے نہ اب سنیں گے آپ

نہیں کھلتا سبب تبسم کا

آج کیا کوئی بوسہ دیں گے آپ

ناصحا آپ خود ہی ناداں ہیں

کیا نصیحت مجھے کریں گے آپ

دم آخر یہ تھا مرے لب پر

کس پہ جور و ستم کریں گے آپ

ظلم کی کچھ بھی انتہا ہوگی

یا ہمیشہ ستم کریں گے آپ

منتظر ہیں تمہارے مدت سے

دیکھیے ہم سے کب ملیں گے آپ

درد نا گفتہ بہ ہو جب ساقی

وہ سنیں بھی تو کیا کہیں گے آپ

mujh se kahte ho kya kahenge ap

jo kahunga to kya sunenge ap

kya bayan-e-shab-e-firaq karen

na suna hai na ab sunenge ap

nahin khulta sabab tabassum ka

aj kya koi bosa denge ap

nasha ap khud hi nadan hain

kya nasihat mujhe karenge ap

dam-e-akhir ye tha mire lab par

kis pe jaur-o-sitam karenge ap

zulm ki kuchh bhi intiha hogi

ya hamesha sitam karenge ap

muntazir hain tumhare muddat se

dekhiye ham se kab milenge ap

dard na gufta ba hu jab saqi

wo sunen bhi to kya kahenge ap