مجھ کو لینا ہے ترے رنگ حنا کا بوسہ

مجھ کو لینا ہے ترے رنگ حنا کا بوسہ

دست رنگیں کا ملے یا کف پا کا بوسہ

رنگ اڑ جائے جو منقار عنا دل چھو لے

ہے گراں گل کو لب موج صبا کا بوسہ

چومتا ہاتھ میں ساقی کے ادب مانع تھا

لے لیا جام مئے ہوش ربا کا بوسہ

بجلی ہر لہر سے پیدا ہو ترے کوچے میں

لے مرا ہر نفس گرم ہوا کا بوسہ

میں وہ ساغر نہیں آئے کبھی لب تک جو ریاضؔ

کس کو ملتا ہے ترے رنگ حنا کا بوسہ

mujh ko lena hai tire rang-e-hina ka bosa

dast-e-rangin ka mile ya kaf-e-pa ka bosa

rang ur jae jo minqar-e-ana dil chhu le

hai giran gul ko lab-e-mauj-e-saba ka bosa

chumta hath mein saqi ke adab mane tha

le liya jam-e-mai-e-hosh ruba ka bosa

bijli har lahr se paida ho tire kuche mein

le mira har nafas-e-garm hawa ka bosa

main wo saghar nahin ae kabhi lab tak jo riyaz

kis ko milta hai tire rang-e-hina ka bosa