بزم دشمن میں جا کے دیکھ لیا

بزم دشمن میں جا کے دیکھ لیا

لے تجھے آزما کے دیکھ لیا

تم نے مجھ کو ستا کے دیکھ لیا

ہر طرح آزما کے دیکھ لیا

ان کے دل کی کدورتیں نہ مٹیں

اپنی ہستی مٹا کے دیکھ لیا

کچھ نہیں کچھ نہیں محبت میں

خوب جی کو جلا کے دیکھ لیا

کچھ نہیں جز غبار کین و عناد

ہم نے دل میں سما کے دیکھ لیا

نہ ملے وہ کسی طرح نہ ملے

غیر کو بھی ملا کے دیکھ لیا

کیا ملا نالہ و فغاں سے ظہیرؔ

حشر سر پر اٹھا کے دیکھ لیا

bazm-e-dushman mein ja ke dekh liya

le tujhe azma ke dekh liya

tum ne mujh ko sata ke dekh liya

har tarah azma ke dekh liya

un ke dil ki kuduraten na miten

apni hasti mita ke dekh liya

kuchh nahin kuchh nahin mohabbat mein

khub ji ko jala ke dekh liya

kuchh nahin juz ghubar ken-o-inad

ham ne dil mein sama ke dekh liya

na mile wo kisi tarah na mile

ghair ko bhi mila ke dekh liya

kya mila nala-o-fughan se zahir

hashr sar par utha ke dekh liya