مجھ پر اے محرم جاں پردۂ اسرار کوں کھول

مجھ پر اے محرم جاں پردۂ اسرار کوں کھول

خواب غفلت سیں اٹھا دیدۂ بے دار کوں کھول

دل کوں اب دامن صحرائے جنوں یاد آیا

عقل کے دام سیں اس صید گرفتار کوں کھول

اے نسیم سحری بوئے محبت لے آ

طرۂ یار ستی عطر کی مہکار کوں کھول

آرزو ہے مری آنکھوں سیں رواں ہویں آنسو

نشتر غم سیں رگ ابر گہر بار کوں کھول

میں خریدار ہوں دے جنس جنوں خاطر خواہ

اے غم قافلہ سالار ٹک اس بار کوں کھول

قفس غم میں دل افسردہ رہوں گا کب تک

نغمۂ شوق سیں میرے لب گفتار کوں کھول

قصۂ درد کوں انجام نہیں مثل سراجؔ

غم کے دفتر کوں لپیٹ آہ کے طومار کوں کھول

mujh par ai mahram-e-jan parda-e-asrar kun khol

khwab-e-ghaflat sin utha dida-e-be dar kun khol

dil kun ab daman-e-sahra-e-junun yad aya

aql ke dam sin is said giraftar kun khol

ai nasim-e-sahari bu-e-mohabbat le a

turra-e-yar sati itr ki mahkar kun khol

arzu hai miri ankhon sin rawan hawen ansu

nashtar-e-gham sin rag abr-e-guhar bar kun khol

main kharidar hun de jins-e-junun khatir khwah

ai gham-e-qafila salar tuk is bar kun khol

qafas-e-gham mein dil afsurda rahunga kab tak

naghma-e-shauq sin mere lab-e-guftar kun khol

qissa-e-dard kun anjam nahin misl siraj

gham ke daftar kun lapet ah ke tumar kun khol