لے اڑے گیسو پریشانی مری

لے اڑے گیسو پریشانی مری

آئنے لے بھاگے حیرانی مری

کہہ اٹھا جوبن کہ بس بس ہو چکی

نیچی نظروں سے نگہبانی مری

بام پر کہہ آئے جا کر آہ گرم

بڑھ کے بجلی سے ہے جولانی مری

گیسوؤں سے ان کے اچھی غم کی رات

میں فدا اس پر وہ دیوانی مری

پیارے پیارے منہ سے پھر کہہ دے ذرا

ہو مبارک تجھ کو مہمانی مری

ساتھ میرے دل بھی مٹی ہو چکا

تیرے صدقے خاک کیوں چھانی مری

اتنی مدت میں بچھڑ کر دل ملا

دیر تک صورت نہ پہچانی مری

تھک گئے وہ رک گیا خنجر ریاضؔ

اب بڑی مشکل ہے آسانی مری

le ure gesu pareshani miri

aine le bhage hairani miri

kah utha joban ke bas bas ho chuki

nichi nazron se nigahbani miri

bam par kah ae ja kar ah garm

barh ke bijli se hai jaulani miri

gesuon se un ke achchhi gham ki rat

main fida us par wo diwani miri

pyare pyare munh se phir kah de zara

ho mubarak tujh ko mehmani miri

sath mere dil bhi mitti ho chuka

tere sadqe khak kyun chhani miri

itni muddat mein bichhar kar dil mila

der tak surat na pahchani miri

thak gae wo ruk gaya khanjar riyaz

ab bari mushkil hai asani miri