مان مت کر عاشق بے تاب کا ارمان مان

مان مت کر عاشق بے تاب کا ارمان مان

جان کر انجان مت ہو مج کوں تو بے جان جان

فکر اپنی نہیں مجھے ہے اس کی بد نامی کا خوف

مجھ کوں نام و ننگ کی ہے ہر گھڑی ہر آن آن

تیر و خنجر میں نہیں ہے آب داری اس قدر

تجھ نگہ کی دیکھ کر جلدی ہوا قربان بان

دشت وحشت میں نپٹ بے کس ہوں اے آہو نگہ

ہوں بھکاری وصل کا دے مج کوں اس میدان دان

قتل کرنے پر ترے ہے تیغ بر کف وو صنم

سرکشی مت کر سراجؔ اب جان کا فرمان مان

man mat kar ashiq-e-be tab ka arman man

jan kar anjan mat ho maj kun to be jan jan

fikr apni nahin mujhe hai us ki bad nami ka khauf

mujh kun nam-o-nang ki hai har ghari har an an

tir-o-khanjar mein nahin hai ab dari is qadar

tujh nigah ki dekh kar jaldi hua qurban ban

dasht-e-wahshat mein nipat be kis hun ai ahu nigah

hun bhikari wasl ka de maj kun is maidan dan

qatl karne par tire hai tegh bar kaf wo sanam

sarkashi mat kar siraj ab jan ka farman man