لے دیدۂ تر جدھر گئے ہم

لے دیدۂ تر جدھر گئے ہم

ڈبرے جو تھے خشک بھر گئے ہم

تجھ عشق میں روز خوش نہ دیکھا

دکھ بھرتے ہی بھرتے مر گئے ہم

تیرا جو ستم ہے اس کی تو جان

اپنی تھی سو خوب کر گئے ہم

یہ قطعہ پڑھے تھا سوز دل سے

سودا کے جو رات گھر گئے ہم

جوں شمع لبوں پر آ رہا جی

تن تھا سو گداز کر گئے ہم

اتنی بھی پتنگ پیش قدمی!

گر شام نہیں سحر گئے ہم

ہوگی نہ کسی کو یہ خبر بھی

اس مجلس سے کدھر گئے ہم

le dida-e-tar jidhar gae ham

dabre jo the khushk bhar gae ham

tujh ishq mein roz-e-khush na dekha

dukh bharte hi bharte mar gae ham

tera jo sitam hai us ki to jan

apni thi so khub kar gae ham

ye qita parhe tha soz-e-dil se

sauda ke jo rat ghar gae ham

jun shama labon par a raha ji

tan tha so gudaz kar gae ham

itni bhi patang pesh-e-qadami!

gar sham nahin sahar gae ham

hogi na kisi ko ye khabar bhi

is majlis se kidhar gae ham