لوٹ لے سرمایۂ دل لوٹ لے

لوٹ لے سرمایۂ دل لوٹ لے

اے فریب‌ چشم قاتل لوٹ لے

مجھ سے فیاض محبت ہے کوئی

کہہ رہا ہوں خود مرا دل لوٹ لے

یہ تمنا ہے کہ کوئی راہزن

کاروان منزل دل لوٹ لے

لطف جب ہے تیری دزدیدہ نظر

آنکھ ملتے ہی مرا دل لوٹ لے

صورت پروانہ ہوں میں بزم میں

مجھ کو تو اے شمع محفل لوٹ لے

حسن کی آزادیوں کا ذکر کیا

حسن اگر چاہے تو محفل لوٹ لے

اوجؔ کی بھی کائنات جان و دل

او بت زہرہ شمائل لوٹ لے

laut le sarmaya-e-dil laut le

ai fareb-e-chashm-e-qatil laut le

mujh se fayyaz-e-mohabbat hai koi

kah raha hun khud mira dil laut le

ye tamanna hai ke koi rahzan

karwan-e-manzil-e-dil laut le

lutf jab hai teri duzdida nazar

ankh milte hi mira dil laut le

surat-e-parwana hun main bazm mein

mujh ko to ai sham-e-mahfil laut le

husn ki azadiyon ka zikr kya

husn agar chahe to mahfil laut le

auj ki bhi kainat-e-jan-o-dil

o but-e-zohra shamail laut le