لیتا ہے جان میری تو میں سر بدست ہوں

لیتا ہے جان میری تو میں سر بدست ہوں

اے یار میں تو کشتۂ روز الست ہوں

اک دم کی زندگی کے لیے مت اٹھا مجھے

اے بے خبر میں نقش زمیں کی نشست ہوں

تو مست کر شراب سے اے گل بدن مجھے

ظالم میں تیری چشم گلابی سے مست ہوں

دور از طریق مجھ کو سمجھیو نہ زاہدا

گر تو خدا پرست ہے میں بت پرست ہوں

ان سنگ دل بتوں کا گلہ کیا کروں نظیرؔ

میں آپ اپنے شیشۂ دل کی شکست ہوں

leta hai jan meri to main sar badast hun

ai yar mein to kushta-e-roz-e-alast hun

ik dam ki zindagi ke liye mat utha mujhe

ai be khabar mein naqsh zamin ki nashist hun

tu mast kar sharab se ai gul badan mujhe

zalim mein teri chashm-e-gulabi se mast hun

dur az tariq mujh ko samajhiyo na zahda

gar to khuda parast hai main but parast hun

un sang dil buton ka gila kya karun nazir

main ap apne shisha-e-dil ki shikast hun