بس کہ نکلی نہ کوئی جی کی ہوس
Hasrat Mohani (1875–1951)بس کہ نکلی نہ کوئی جی کی ہوس
اب ہوں میں اور بے دلی کی ہوس
کہ رہے دل نہ بے قراریِ دل
عاشقی ہو نہ عاشقی کی ہوس
وہ ستمگر بھی ہے عجیب کوئی
کیوں ہوئی دل کو پھر اسی کی ہوس
پھرتی رہتی ہے آدمی کو لئے
خوار دنیا میں آدمی کی ہوس
دونوں یکساں ہیں بے خودی میں ہمیں
فکرِ غم ہے نہ خمریِ کی ہوس
واقفِ لذّتِ جنوں جو ہوا
نہ رہی اس کو آگہی کی ہوس
ان کو دیکھا ہے جب سے گرمِ عتاب
آرزو کو ہے خود کشی کی ہوس
کر سکیں بھی تو ہم فقیر ترے
نہ کریں تاجِ خسرویِ کی ہوس
ہجرِ ساقی کے دور میں حسرت
اب نہ مے ہے نہ مے کشی کی ہوس
bas ke nikli na koi ji ki hawas
ab hun main aur be dili ki hawas
ke rahe dil na be qarari-e-dil
ashiqi ho na ashiqi ki hawas
wo sitamgar bhi hai ajib koi
kyun hui dil ko phir usi ki hawas
phirti rahti hai admi ko liye
khwar duniya mein admi ki hawas
donon yaksan hain be khudi mein hamen
fikr-e-gham hai na khamri-e-ki hawas
waqif-e-lazzat-e-junun jo hua
na rahi us ko agahi ki hawas
un ko dekha hai jab se garm-e-itab
arzu ko hai khud kashi ki hawas
kar saken bhi to ham faqir tire
na karen taj-e-khusrawi-e-ki hawas
hijr-e-saqi ke daur mein hasrat
ab na mai hai na mai kashi ki hawas