لگ جا تو مرے سینہ سے دروازہ کو کر بند

لگ جا تو مرے سینہ سے دروازہ کو کر بند

دے کھول قبا اپنی کی بے خوف و خطر بند

افسون نگہ سے تری اے ساقیٔ بد مست

شیشہ میں ہوئی مثل پری اپنی نظر بند

مکڑاتے ہوئے پھرتے ہیں ہم کوچہ میں اس کے

کیا کیجئے دروازہ ادھر بند ادھر بند

یا شاہ نجف نام اشارہ میں ترا لوں

ہو جائے دم نزع زباں میرے اگر بند

آوے وہ اگر یار سفر کردہ تو انشاؔ

میں دوڑ کے کس لطف سے کھلواؤں کمر بند

lag ja to mire sina se darwaza ko kar band

de khol qaba apni ki be khauf-o-khatar band

afsun-e-nigah se tiri ai saqi-e-bad mast

shisha mein hui misl-e-pari apni nazar band

makrate hue phirte hain ham kucha mein us ke

kya kijiye darwaza idhar band idhar band

ya shah-e-najaf nam ishara mein tira lun

ho jae dam-e-nazaa zaban mere agar band

awe wo agar yar-e-safar karda to insha

main daur ke kis lutf se khulwaun kamar band