فصل گل آئی ہے کل اور ہی ساماں ہوں گے

فصل گل آئی ہے کل اور ہی ساماں ہوں گے

میرے دامن میں ترے دست و گریباں ہوں گے

سب یہ کافر ہیں حسینوں کی نہ سن تو اے دل

چار دن بعد یہی دشمن ایماں ہوں گے

کس طرح جائیں گے مانع ہے ہمیں خوف مزاج

زلف پر خم ہے تو کچھ وہ بھی پریشاں ہوں گے

گریہ انجام تبسم ہے نہ ہنس اے غافل

خون روئیں گے وہی زخم جو خنداں ہوں گے

یاد آئے گا پس مرگ ہمارا یہ کمال

حال کھل جائے گا جب خاک میں پنہاں ہوں گے

خانہ زادوں کو کہاں قید محبت سے فراغ

ہم وہ بلبل ہیں یہیں خاک گلستاں ہوں گے

دور ہر نخل کریں گے صفت گرد نسیمؔ

ہم پس مرگ بھی قربان گلستاں ہوں گے

fasl-e-gul ai hai kal aur hi saman honge

mere daman mein tire dast-o-gareban honge

sab ye kafir hain hasinon ki na sun to ai dil

char din baad yahi dushman-e-iman honge

kis tarah jaenge mane hai hamen khauf mizaj

zulf par kham hai to kuchh wo bhi pareshan honge

girya anjam tabassum hai na hans ai ghafil

khun roenge wahi zakhm jo khandan honge

yad aega pas-e-marg hamara ye kamal

hal khul jaega jab khak mein pinhan honge

khana zadon ko kahan qaid-e-mohabbat se faragh

ham wo bulbul hain yahin khak gulistan honge

dur har nakhl karenge sifat gard nasim

ham pas-e-marg bhi qurban gulistan honge