بستی تجھ بن اجاڑ سی ہے

بستی تجھ بن اجاڑ سی ہے

کمبخت یہ شب پہاڑ سی ہے

شاید کہ ہوئی سرایت عشق

کچھ سینہ میں چیر پھاڑ سی ہے

ہر چند کہ بولتے نہیں وہ

باہم پر چھیڑ چھاڑ سی ہے

سو رہتے ہیں ایک ساتھ لیکن

تلوار کے بیچ آڑ سی ہے

انشا اللہ شاید آیا

اس کوچہ میں بھیڑ بھاڑ سی ہے

basti tujh bin ujar si hai

kambakht ye shab pahar si hai

shayad ke hui sarayat-e-ishq

kuchh sina mein chir phar si hai

har chand ke bolte nahin wo

baham par chher chhar si hai

so rahte hain ek sath lekin

talwar ke bich ar si hai

insha allah shayad aya

us kucha mein bhir bhar si hai