لطف کی ان سے التجا نہ کریں

لطف کی ان سے التجا نہ کریں

ہم نے ایسا کبھی کیا نہ کریں

مل رہے گا جو ان سے ملنا ہے

لب کو شرمندۂ دعا نہ کریں

صبر مشکل ہے آرزو بے کار

کیا کریں عاشقی میں کیا نہ کریں

مسلک عشق میں ہے فکر حرام

دل کو تدبیرآشنا نہ کریں

بھول ہی جائیں ہم کو یہ تو نہ ہو

لوگ میرے لیے دعا نہ کریں

مرضئ یار کے خلاف نہ ہو

کون کہتا ہے وہ جفا نہ کریں

شوق ان کا سو مٹ چکا حسرتؔ

کیا کریں ہم اگر وفا نہ کریں

lutf ki un se iltija na karen

ham ne aisa kabhi kiya na karen

mil rahega jo un se milna hai

lab ko sharminda-e-dua na karen

sabr mushkil hai arzu be kar

kya karen ashiqi mein kya na karen

maslak-e-ishq mein hai fikr haram

dil ko tadbirashna na karen

bhul hi jaen ham ko ye to na ho

log mere liye dua na karen

marzi-e-yar ke khilaf na ho

kaun kahta hai wo jafa na karen

shauq un ka so mit chuka hasrat

kya karen ham agar wafa na karen