لو فقیروں کی دعا ہر طرح آباد رہو

لو فقیروں کی دعا ہر طرح آباد رہو

خود رہو موجیں کرو تازے رہو شاد رہو

ایرے غیرے وہ جو ہوں شوق سے چٹ کر لو انہیں

پر خدا والوں کی کرتے ہوئے امداد رہو

قمری باغ بہشت اب جو یہ بے فاختہ ہیں

انہیں بھی کہہ دو کہ تم سرو سے آزاد رہو

دید اس کی ہے کرو جس نے بنایا سب کچھ

نہ کہ ہر لحظہ فدائے گل و شمشاد رہو

دام میں سے جو چھٹے ہیں انہیں یہ حکم ہوا

کہ بس اب گرد در خانۂ صیاد رہو

جا کے اوروں سے بدو یاد فراموش ولے

خود فراموشوں کو مولیٰ مری تم یاد رہو

صورت آوے جو نظر کھینچ لو اس کی تصویر

اپنے اس وقت کے تم مانی و بہزاد رہو

چمن امن و اماں کے تمہیں ہو سیر نصیب

سائیں اللہ سدا بر سر ارشاد رہو

عیش و عشرت کرو ہر وقت تم انشا اللہؔ

حسن چمکائے پھرو سب میں پری زاد رہو

lo faqiron ki dua har tarah abad raho

khud raho maujen karo taze raho shad raho

aire ghaire wo jo hun shauq se chat kar lo unhen

par khuda walon ki karte hue imdad raho

qamari-e-bagh-e-bahisht ab jo ye be fakhta hain

unhen bhi kah do ke tum sarw se azad raho

did us ki hai karo jis ne banaya sab kuchh

na ke har lahza fida-e-gul-o-shamshad raho

dam mein se jo chhute hain unhen ye hukm hua

ke bas ab gard dar khana-e-sayyad raho

ja ke auron se bado yad faramosh wale

khud faramoshon ko moli miri tum yad raho

surat awe jo nazar khinch lo us ki taswir

apne is waqt ke tum mani-o-behzad raho

chaman-e-amn-o-aman ke tumhen ho sair nasib

saen allah sada bar sar-e-irshad raho

aish-o-ishrat karo har waqt tum insha allah

husn chamkae phiro sab mein pari zad raho