فائدہ آنے سے ایسے آ کے پچھتائیں ہیں ہم

فائدہ آنے سے ایسے آ کے پچھتائیں ہیں ہم

اٹھ گئے جب یاں کے گزرے آہ تب آئیں ہیں ہم

اور کچھ تحفہ نہ تھا جو لاتے ہم تیرے نیاز

ایک دو آنسو تھے آنکھوں میں سو بھر لائیں ہیں ہم

طرفہ حالت ہے نہ وہ آتا ہے نہ جاتا ہے جی

اور یہاں بے طاقتی سے دل کی گھبرائیں ہیں ہم

جس طرف جاتے وہاں لگتا نہیں کیا کیجیے

اس دل وحشی کے ہاتھوں سخت اکتائیں ہیں ہم

دیکھیے اب کیا جواب آوے وہاں سے ہم نشیں

نامہ تو لکھ کر حسنؔ کا اس کو پہنچایں ہیں ہم

faida ane se aise a ke pachhtaen hain ham

uth gae jab yan ke guzre ah tab aen hain ham

aur kuchh tohfa na tha jo late ham tere niyaz

ek do ansu the ankhon mein so bhar laen hain ham

turfa halat hai na wo ata hai na jata hai ji

aur yahan be taqati se dil ki ghabraen hain ham

jis taraf jate wahan lagta nahin kya kijiye

is dil-e-wahshi ke hathon sakht uktaen hain ham

dekhiye ab kya jawab awe wahan se ham nashin

nama to likh kar husn ka us ko pahunchain hain ham