فانوس ہند کا شعلہ

زندہ باش اے انقلاب اے شعلۂ فانوس ہند

گرمیاں جس کی فروغ منتقل جاں ہو گئیں

بستیوں پر چھا رہی تھیں موت کی خاموشیاں

تو نے صور اپنا جو پھونکا محشرستاں ہو گئیں

جتنی بوندیں تھیں شہیدان وطن کے خون کی

قصر آزادی کی آرائش کا ساماں ہو گئیں

مرحبا اے نو گرفتاران بیداد فرنگ

جن کی زنجیریں خروش افزائے زنداں ہو گئیں

زندگی ان کی ہے دین ان کا ہے دنیا ان کی ہے

جن کی جانیں قوم کی عزت پہ قرباں ہو گئیں

zinda bash ai inqilab ai shola-e-fanus-e-hind

garmiyan jis ki farogh-e-muntaqal jan ho gain

bastiyon par chha rahi thin maut ki khamoshiyan

tu ne sur apna jo phunka mahsharsitan ho gain

jitni bunden thin shahidan-e-watan ke khun ki

qasr-e-azadi ki araish ka saman ho gain

marhaba ai nau giraftaran-e-bedad-e-farang

jin ki zanjiren kharosh afza-e-zindan ho gain

zindagi un ki hai din un ka hai duniya un ki hai

jin ki janen qaum ki izzat pe qurban ho gain