غیر توکل نہیں چارا مجھے

غیر توکل نہیں چارا مجھے

اپنے ہی دم کا ہے سہارا مجھے

حرص و طمع نے تو ڈبویا ہی تھا

صبر و قناعت نے ابھارا مجھے

جو وہ کہے اس کو سزاوار ہے

چون و چرا کا نہیں یارا مجھے

بے ادبوں کی ادب آموزیاں

ان کے بگڑنے نے سنوارا مجھے

کوشش بے سود مشوش نہ کر

قعر نہ بن جائے کنارا مجھے

زشتیٔ پندار دلاتا ہے یاد

قصۂ اسکندر و دارا مجھے

ننگ مذلت سے چھڑا لے گیا

جوش حمیت کا حرارا مجھے

اوج معالی پہ اڑا لے گیا

توسن ہمت کا طرارا مجھے

آہ نہیں رخصت افشائے راز

قصہ تو معلوم ہے سارا مجھے

فرصت اوقات ہے بس مغتنم

یہ نہیں ملنے کی دوبارا مجھے

ghair tawakkul nahin chara mujhe

apne hi dam ka hai sahara mujhe

hirs-o-tamaa ne to duboya hi tha

sabr-o-qanaat ne ubhara mujhe

jo wo kahe us ko sazawar hai

chun-o-chura ka nahin yara mujhe

be adbon ki adab amoziyan

un ke bigarne ne sanwara mujhe

koshish-e-be sud mushawwash na kar

qaaar na ban jae kinara mujhe

zishti-e-pindar dilata hai yad

qissa-e-iskandar-o-dara mujhe

nang-e-mazallat se chhura le gaya

josh-e-hamiyyat ka hirara mujhe

auj-e-maali pe ura le gaya

tosun-e-himmat ka tarara mujhe

ah nahin rukhsat-e-ifsha-e-raz

qissa to maalum hai sara mujhe

fursat-e-auqat hai bas mughtanam

ye nahin milne ki dobara mujhe