غنچے سے مسکرا کے اسے زار کر چلے

غنچے سے مسکرا کے اسے زار کر چلے

نرگس کو آنکھ مار کے بیمار کر چلے

پھرتے ہو باغ سے تو پکارے ہے عندلیب

صبح بہار گل پہ شب تار کر چلے

اٹھتے ہوئے جو دیر سے لی مدرسے کی راہ

تسبیح شیخ شہر کی زنار کر چلے

آئے جو بزم میں تو اٹھا چہرے سے نقاب

پروانے ہی کو شمع سے بیزار کر چلے

آزاد کرتے تم ہمیں قید حیات سے

اس کے عوض جو دل کو گرفتار کر چلے

اٹھ کر ہمارے پاس سے گھر تک رقیب کے

پہنچے گا وہ کوئی جو ہمیں مار کر چلے

لو خوش رہو گھر اپنے میں جس شکل سے ہو تم

دو چار نالے ہم پس دیوار کر چلے

اندوہ و درد و غم نے کیا عزم جب ادھر

ہم کو عدم سے قافلہ سالار کر چلے

سوداؔ نے اپنے خوں کی دیت تم سے یک نگاہ

چاہی تو اتنی بات سے انکار کر چلے

پیارے خدا کے واسطے ٹک اپنے دل کے بیچ

انصاف تو کرو یہ کسے مار کر چلے

ghunche se muskura ke use zar kar chale

nargis ko ankh mar ke bimar kar chale

phirte ho bagh se to pukare hai andalib

subh-e-bahar-e-gul pe shab-e-tar kar chale

uthte hue jo der se li madrase ki rah

tasbih-e-shaikh shahr ki zunnar kar chale

ae jo bazm mein to utha chehre se naqab

parwane hi ko shama se bezar kar chale

azad karte tum hamen qaid-e-hayat se

us ke ewaz jo dil ko giraftar kar chale

uth kar hamare pas se ghar tak raqib ke

pahunchega wo koi jo hamen mar kar chale

lo khush raho ghar apne mein jis shakl se ho tum

do char nale ham pas-e-diwar kar chale

andoh-o-dard-o-gham ne kiya azm jab idhar

ham ko adam se qafila salar kar chale

sauda ne apne khun ki det tum se yak nigah

chahi to itni bat se inkar kar chale

pyare khuda ke waste tuk apne dil ke bich

insaf to karo ye kise mar kar chale