غم آہستہ رو یاں رفتہ رفتہ

غم آہستہ رو یاں رفتہ رفتہ

کیا ہے مجھ کوں حیراں رفتہ رفتہ

وو ساحر نے ادا کا سحر کر کر

لیا مجھ سیں دل و جاں رفتہ رفتہ

جگر عشاق کا داغ جفا سوں

ہوا صحن گلستاں رفتہ رفتہ

کمند زلف دکھلا کر کیا ہے

مرے دل کوں پریشاں رفتہ رفتہ

زبس اس یوسف مصری کے ہیں لب

ہوا دل مثل کنعاں رفتہ رفتہ

سراجؔ اب تو نہ ہو غمگیں کہ رحماں

کرے گا مشکل آساں رفتہ رفتہ

gham-e-ahista ro yan rafta rafta

kya hai mujh kun hairan rafta rafta

wo sahir ne ada ka sehr kar kar

liya mujh sin dil-o-jan rafta rafta

jigar ushshaq ka dagh-e-jafa sun

hawa sehn-e-gulistan rafta rafta

kamand-e-zulf dikhla kar kya hai

mire dil kun pareshan rafta rafta

zabas is yusuf-e-misri ke hain lab

hawa dil misl-e-kanan rafta rafta

siraj ab to na ho ghamgin ke rahman

karega mushkil asan rafta rafta