غم اس پر آشکار کیا ہم نے کیا کیا

غم اس پر آشکار کیا ہم نے کیا کیا

غافل کو ہوشیار کیا ہم نے کیا کیا

ہاں ہاں تڑپ تڑپ کے گزاری تمہیں نے رات

تم نے ہی انتظار کیا ہم نے کیا کیا

اترا رہا ہے نقد محبت پہ دل بہت

اچھے کو مال دار کیا ہم نے کیا کیا

کہتے ہیں وہ شکایت بیداد و جور پر

تجھ کو خدا نے خوار کیا ہم نے کیا کیا

ناصح بھی ہے رقیب یہ معلوم ہی نہ تھا

کس کو صلاح کار کیا ہم نے کیا کیا

رسوا کیا جو دل نے تو اب کہہ رہے ہیں داغؔ

دشمن کو رازدار کیا ہم نے کیا کیا

gham us par ashkar kya ham ne kiya kiya

ghafil ko hoshyar kya ham ne kiya kiya

han han tarap tarap ke guzari tumhen ne rat

tum ne hi intizar kya ham ne kiya kiya

utra raha hai naqd mohabbat pe dil bahut

achchhe ko mal dar kya ham ne kiya kiya

kahte hain wo shikayat-e-bedad-o-jaur par

tujh ko khuda ne khwar kya ham ne kiya kiya

naseh bhi hai raqib ye maalum hi na tha

kis ko salah-e-kar kya ham ne kiya kiya

ruswa kiya jo dil ne to ab kah rahe hain dagh

dushman ko razdar kya ham ne kiya kiya