غم کے بھروسے کیا کچھ چھوڑا کیا اب تم سے بیان کریں

غم کے بھروسے کیا کچھ چھوڑا کیا اب تم سے بیان کریں

غم بھی راس نہ آیا دل کو اور ہی کچھ سامان کریں

کرنے اور کہنے کی باتیں کس نے کہیں اور کس نے کیں

کرتے کہتے دیکھیں کسی کو ہم بھی کوئی پیمان کریں

بھلی بری جیسی بھی گزری ان کے سہارے گزری ہے

حضرت دل جب ہاتھ بڑھائیں ہر مشکل آسان کریں

ایک ٹھکانا آگے آگے پیچھے ایک مسافر ہے

چلتے چلتے سانس جو ٹوٹے منزل کا اعلان کریں

میرؔ ملے تھے میراجیؔ سے باتوں سے ہم جان گئے

فیض کا چشمہ جاری ہے حفظ ان کا بھی دیوان کریں

gham ke bharose kya kuchh chhora kya ab tum se bayan karen

gham bhi ras na aya dil ko aur hi kuchh saman karen

karne aur kahne ki baten kis ne kahin aur kis ne kin

karte kahte dekhen kisi ko ham bhi koi paiman karen

bhali buri jaisi bhi guzri un ke sahare guzri hai

hazrat dil jab hath barhaen har mushkil asan karen

ek thikana age age pichhe ek musafir hai

chalte chalte sans jo tute manzil ka elan karen

mir mile the miraji se baton se ham jan gae

faiz ka chashma jari hai hifz un ka bhi diwan karen