بدل دے
احمق پھپھوندویکب تک وطن آلام و مصائب میں خدایا
اب اس کی مصیبت کو مسرت سے بدل دے
کب تک یہ تباہ ستم نکبت داد بار
اب اس کی نحوست کو سعادت سے بدل دے
کب تک یہ شکار الم فاقہ و افلاس
اب اس کی فلاکت کو امارت سے بدل دے
کب تک یہ گرفتار قتال و جدل و جنگ
اب اس کی عداوت کو محبت سے بدل دے
کب تک یہ پشیمان بلا نذر حوادث
اب اس کے غم و رنج کو راحت سے بدل دے
کب تک یہ پرستار وفا وقف خوشامد
اب اس کی اطاعت کو بغاوت سے بدل دے
حد ہو گئی بس اس کی تباہی کی خدایا
اب اس کی غلامی کو حکومت سے بدل دے
kab tak watan alam-o-masaib mein khudaya
ab us ki musibat ko masarrat se badal de
kab tak ye tabah sitam nakbat dad bar
ab us ki nuhusat ko saadat se badal de
kab tak ye shikar alam faqa-o-iflas
ab us ki falakat ko amarat se badal de
kab tak ye giraftar qital-o-jadal-o-jang
ab us ki adawat ko mohabbat se badal de
kab tak ye pasheman bala nazr-e-hawadis
ab us ke gham-o-ranj ko rahat se badal de
kab tak ye parastar-e-wafa waqf-e-khushamad
ab us ki itaat ko baghawat se badal de
had ho gai bas us ki tabahi ki khudaya
ab us ki ghulami ko hukumat se badal de