غفلت میں کٹی عمر نہ ہشیار ہوئے ہم
راسخ عظیم آبادیغفلت میں کٹی عمر نہ ہشیار ہوئے ہم
سوتے ہی رہے آہ نہ بیدار ہوئے ہم
یہ بے خبری دیکھ کہ جب ہم سفر اپنے
کوسوں گئے تب آہ خبردار ہوئے ہم
صیاد ہی سے پوچھو کہ ہم کو نہیں معلوم
کیا جانئے کس طرح گرفتار ہوئے ہم
تھی چشم کہ تو رحم کرے گا کبھو سو ہائے
غصہ کے بھی تیرے نہ سزا وار ہوئے ہم
آتا ہی نہ اس کوچے سے تابوت ہمارا
دفن آخر اسی کے پس دیوار ہوئے ہم
زخم کہن اپنا ہوا ناسور پہ راسخؔ
مرہم کے کسو سے نہ طلب گار ہوئے ہم
ghaflat mein kati umr na hushyar hue ham
sote hi rahe ah na bedar hue ham
ye be khabari dekh ke jab ham safar apne
koson gae tab ah khabardar hue ham
sayyad hi se puchho ke ham ko nahin maalum
kya janiye kis tarah giraftar hue ham
thi chashm ke tu rahm karega kabhu so hae
ghussa ke bhi tere na saza war hue ham
ata hi na us kuche se tabut hamara
dafn akhir usi ke pas-e-diwar hue ham
zakhm-e-kuhan apna hua nasur pe rasikh
marham ke kisu se na talab gar hue ham