غلاموں کی نماز

کہا مجاہدِ تُرکی نے مجھ سے بعدِ نماز

طویل سجدہ ہیں کیوں اس قدر تمھارے امام

وہ سادہ مردِ مجاہد، وہ مومنِ آزاد

خبر نہ تھی اُسے کیا چیز ہے نمازِ غلام

ہزار کام ہیں مردانِ حُر کو دُنیا میں

انھی کے ذوقِ عمل سے ہیں اُمتّوں کے نظام

بدن غلام کا سوزِ عمل سے ہے محروم

کہ ہے مروُر غلاموں کے روز و شب پہ حرام

طویل سجدہ اگر ہیں تو کیا تعجبّ ہے

ورائے سجدہ غریبوں کو اَور کیا ہے کام

خدا نصیب کرے ہِند کے اماموں کو

وہ سجدہ جس میں ہے مِلّت کی زندگی کا پیام!

kaha mujahid-e-turki ne mujh se baad-e-namaz

tawil sajda hain kyun is qadar tumhare imam

wo sada mard-e-mujahid, wo momin-e-azad

khabar na thi use kya chiz hai namaz-e-ghulam

hazar kam hain mardan-e-hur ko duniya mein

unhi ke zauq-e-amal se hain ummaton ke nizam

badan ghulam ka soz-e-amal se hai mahrum

ke hai murur ghulamon ke roz-o-shab pe haram

tawil sajda agar hain to kya taajjub hai

warae sajda gharibon ko aur kya hai kam

khuda nasib kare hind ke imamon ko

wo sajda jis mein hai millat ki zindagi ka payam!