دریا میں موتی، اے موجِ بے باک

دریا میں موتی، اے موجِ بے باک

ساحل کی سوغات! خاروخس و خاک

میرے شرر میں بجلی کے جوہر

لیکن نَیستاں تیرا ہے نم ناک

تیرا زمانہ، تاثیر تیری

ناداں! نہیں یہ تاثیرِ افلاک

ایسا جُنوں بھی دیکھا ہے میں نے

جس نے سِیے ہیں تقدیر کے چاک

کامِل وہی ہے رِندی کے فن میں

مستی ہے جس کی بے منّتِ تاک

رکھتا ہے اب تک مَیخانۂ شرق

وہ مے کہ جس سے روشن ہو ادراک

اہلِ نظر ہیں یورپ سے نومید

ان اُمّتوں کے باطن نہیں پاک

dariya mein moti, ai mauj-e-be bak

sahil ki saughat! kharokhas-o-khak

mere sharar mein bijli ke jauhar

lekin naistan tera hai nam nak

tera zamana, tasir teri

nadan! nahin ye tasir-e-aflak

aisa junun bhi dekha hai main ne

jis ne siye hain taqdir ke chak

kamil wahi hai rindi ke fan mein

masti hai jis ki be minnat-e-tak

rakhta hai ab tak maikhana-e-sharq

wo mai ke jis se raushan ho idrak

ahl-e-nazar hain yorap se naumid

in ummaton ke batin nahin pak