مِلے گا منزلِ مقصود کا اُسی کو سُراغ

مِلے گا منزلِ مقصود کا اُسی کو سُراغ

اندھیری شب میں ہے چیتے کی آنکھ جس کا چراغ

میسّر آتی ہے فُرصت فقط غلاموں کو

نہیں ہے بندۂ حُر کے لیے جہاں میں فراغ

فروغِ مغربیاں خِیرہ کر رہا ہے تجھے

تری نظر کا نگہباں ہو صاحبِ ’مازاغ‘

وہ بزمِ عیش ہے مہمانِ یک نفَس دو نفَس

چمک رہے ہیں مثالِ ستارہ جس کے ایاغ

کِیا ہے تجھ کو کتابوں نے کور ذوق اتنا

صبا سے بھی نہ مِلا تجھ کو بُوئے گُل کا سُراغ!

milega manzil-e-maqsud ka usi ko suragh

andheri shab mein hai chite ki ankh jis ka charagh

muyassar ati hai fursat faqat ghulamon ko

nahin hai banda-e-hur ke liye jahan mein faragh

farogh-e-maghribiyan khira kar raha hai tujhe

tiri nazar ka nigahban ho sahab 'mazagh'

wo bazm-e-aish hai mehman-e-yak nafas do nafas

chamak rahe hain misal-e-sitara jis ke ayagh

kiya hai tujh ko kitabon ne kor zauq itna

saba se bhi na mila tujh ko bu-e-gul ka suragh!