Arooz is now on the App Store, for iPhone and iPad. Download →

All poetry

نہ میں اعجمی نہ ہندی، نہ عراقی و حجازی

Allama Iqbal (1877–1938)

نہ میں اعجمی نہ ہندی، نہ عراقی و حجازی

کہ خودی سے مَیں نے سِیکھی دوجہاں سے بے نیازی

تو مری نظر میں کافر، میں تری نظر میں کافر

ترا دِیں نفَس شماری، مرا دِیں نفَس گدازی

تو بدل گیا تو بہتر کہ بدل گئی شریعت

کہ موافقِ تدَرواں نہیں دینِ شاہبازی

ترے دشت و در میں مجھ کو وہ جُنوں نظر نہ آیا

کہ سِکھا سکے خرد کو رہ و رسم کارسازی

نہ جُدا رہے نَوا گر تب و تابِ زندگی سے

کہ ہلاکیِ اُمَم ہے یہ طریقِ نَے نوازی