تیری متاعِ حیات، علم و ہُنر کا سُرور

تیری متاعِ حیات، علم و ہُنر کا سُرور

میری متاعِ حیات ایک دلِ ناصبور!

معجزۂ اہلِ فکر، فلسفۂ پیچ پیچ

معجزۂ اہلِ ذکر، مُوسیٰؑ و فرعون و طُور

مصلَحۃً کہہ دیا میں نے مسلماں تجھے

تیرے نفَس میں نہیں، گرمیِ یُوم النّشور

ایک زمانے سے ہے چاک گریباں مرا

تُو ہے ابھی ہوش میں، میرے جُنوں کا قصور!

فیضِ نظر کے لیے ضبطِ سخن چاہیے

حرفِ پریشاں نہ کہہ اہلِ نظر کے حضور

خوار جہاں میں کبھی ہو نہیں سکتی وہ قوم

عشق ہو جس کا جسُور، فقر ہو جس کا غیور

teri mata-e-hayat, ilm-o-hunar ka surur

meri mata-e-hayat ek dil-e-nasabur!

mojiza-e-ahl-e-fikr, falsafa-e-pech pech

mojiza-e-ahl-e-zikr, musa-o-firaun-o-tur

maslahtan kah diya main ne musalman tujhe

tere nafas mein nahin, garmi-e-yum alnushur

ek zamane se hai chak-e-gareban mira

tu hai abhi hosh mein, mere junun ka qusur!

faiz-e-nazar ke liye zabt-e-sukhan chahiye

harf-e-pareshan na kah ahl-e-nazar ke huzur

khwar jahan mein kabhi ho nahin sakti wo qaum

ishq ho jis ka jasur, faqr ho jis ka ghayur