بحر ہستی میں صحبت احباب

بحر ہستی میں صحبت احباب

یوں ہے جیسے بروئے آب حباب

گردش آسماں میں ہم کیا ہیں

پر کاہے میانۂ گرداب

بادۂ ناب کیا ہے خون جگر

زردئ رنگ ہے شب مہتاب

جس کو رقص و سرود کہتے ہیں

وہ بھی ہے اک ہوائے خانہ خراب

عمر کہتے ہیں جس کو وہ کیا ہے

مثل تحریر موج نقش بر آب

جسم کیا روح کی ہے جولا نگاہ

روح کیا اک سوار پا بہ رکاب

حسن اور عشق کیا ہیں یہ بھی ہیں

خطفہ برق و قطرۂ سیماب

زندگانی و مرگ بھی کیا ہیں

ایک مثل خیال و دیگر خواب

فرصت عمر قطرۂ شبنم

وصل محبوب گوہر نایاب

کیوں نہ عشرت دو چند ہو جو ہے

یار مہ چہرہ اور شب مہتاب

سب کتابوں کے کھل گئے معنی

جب سے دیکھی نظیرؔ دل کی کتاب

bahr-e-hasti mein sohbat-e-ahbab

yun hai jaise baru-e-ab-e-habab

gardish-e-asman mein ham kya hain

par kahe miyana-e-girdab

bada-e-nab kya hai khun-e-jigar

zardi-e-rang hai shab-e-mahtab

jis ko raqs-o-surud kahte hain

wo bhi hai ik hawa-e-khana kharab

umr kahte hain jis ko wo kya hai

misl-e-tahrir mauj-e-naqsh-e-bar ab

jism kya ruh ki hai jula nigah

ruh kya ik sawar pa ba rikab

husn aur ishq kya hain ye bhi hain

khatfa barq-o-qatra-e-simab

zindagani-o-marg bhi kya hain

ek misl-e-khayal-o-digar khwab

fursat-e-umr qatra-e-shabnam

wasl mahbub gauhar-e-nayab

kyun na ishrat do chand ho jo hai

yar mah chehra aur shab-e-mahtab

sab kitabon ke khul gae maani

jab se dekhi nazir dil ki kitab