عشق نے چٹکی سی لی پھر آ کے میری جاں کے بیچ

عشق نے چٹکی سی لی پھر آ کے میری جاں کے بیچ

آگ سی کچھ لگ گئی ہے سینۂ بریاں کے بیچ

اہل معنی جز نہ بوجھے گا کوئی اس رمز کو

ہم نے پایا ہے خدا کو صورت انساں کے بیچ

اس سبب میں جنگ شانے سے کروں ہوں بار بار

دل ہوا ہے گم مرا اس کاکل پیچاں کے بیچ

زلف و چشم و خال و خط چاروں ہیں دشمن دین کے

حق رکھے ایماں سلامت ایسے کفرستاں کے بیچ

نقد دل کھویا ہے ہم نے جان کر اس راہ میں

فی الحقیقت عاشقوں کو سود ہے نقصاں کے بیچ

گر عدو میری بدی کرتا ہے خاص و عام میں

میں اسے رسوا کروں گا باندھ کر دیواں کے بیچ

رات دن جاری ہے عالم میں مرا فیض سخن

گو کہ ہوں محتاج پر حاتمؔ ہوں ہندوستاں کے بیچ

ishq ne chutki si li phir a ke meri jan ke bich

ag si kuchh lag gai hai sina-e-buriyan ke bich

ahl-e-maani juz na bujhega koi is ramz ko

ham ne paya hai khuda ko surat-e-insan ke bich

is sabab mein jang shane se karun hun bar bar

dil hua hai gum mira is kakul-e-pechan ke bich

zulf-o-chashm-o-khal-o-khat charon hain dushman din ke

haq rakhe iman salamat aise kufristan ke bich

naqd-e-dil khoya hai ham ne jan kar is rah mein

fi alhaqiqat ashiqon ko sud hai nuqsan ke bich

gar adu meri badi karta hai khas-o-am mein

main use ruswa karunga bandh kar diwan ke bich

rat din jari hai alam mein mira faiz-e-sukhan

go ke hun mohtaj par hatim hun hindostan ke bich