عشق کی جو لگن نہیں دیکھا

عشق کی جو لگن نہیں دیکھا

وو برہ کی اگن نہیں دیکھا

قدر مج اشک کی وو کیا جانے

جس نے در عدن نہیں دیکھا

تج گلی میں جو کوئی کیا مسکن

پھر کر اس نے وطن نہیں دیکھا

آرزو ہے کہ زلف کوں کھولے

میں نے کالی رین نہیں دیکھا

لب رنگیں دکھا اے معدن حسن

میں عقیق یمن نہیں دیکھا

ٹک زمیں پر قدم رکھو ساجن

آج نقش چرن نہیں دیکھا

دل عبث تشنہ لب ہے کوثر کا

پیو کا چاہ ذقن نہیں دیکھا

غنچۂ گل کوں دیکھ گلشن میں

گر توں پیو کا دہن نہیں دیکھا

تجھ مثل اے سراجؔ بعد ولیؔ

کوئی صاحب سخن نہیں دیکھا

ishq ki jo lagan nahin dekha

wo bira ki agan nahin dekha

qadr maj ashk ki wo kya jane

jis ne dar-e-adan nahin dekha

taj gali mein jo koi kya maskan

phir kar us ne watan nahin dekha

arzu hai ke zulf kun khole

main ne kali rain nahin dekha

lab-e-rangin dikha ai maadin-e-husn

main aqiq-e-yaman nahin dekha

tuk zamin par qadam rakho sajan

aj naqsh-e-charan nahin dekha

dil abas tishna lab hai kausar ka

piyo ka chah-e-zaqan nahin dekha

ghuncha-e-gul kun dekh gulshan mein

gar tun piyo ka dahan nahin dekha

tujh misl ai siraj baad wali

koi sahab sukhan nahin dekha