عشق میں آ کہ عقل کوں کھوناں

عشق میں آ کہ عقل کوں کھوناں

باخرد ہو کے بے خرد ہوناں

فرش مخمل سیں مجھ کوں بہتر ہے

غم کے کانٹوں کی سیج پر سوناں

ابر رحمت ہے بیج وحدت کا

کنج مخفی کے کھیت میں بوناں

خندۂ گل ہے گریۂ شبنم

ہے ہنسی یار کی مرا روناں

روپ درسن دکھا اے سیمیں تن

نہیں تو جاتا ہے ہات سیں سوناں

گرد غم سیں جو دل ہوا میلا

اپنے آنسو کے آب سیں دھوناں

شوخ جادو ادا نے مجھ پہ سراجؔ

گردش چشم سوں کیا ٹوناں

ishq mein a ke aql kun khonan

bakhirad ho ke be khirad honan

farsh-e-makhmal sin mujh kun behtar hai

gham ke kanton ki sej par suwunan

abr-e-rahmat hai bij wahdat ka

kunj-e-makhfi ke khet mein bunan

khanda-e-gul hai girya-e-shabnam

hai hansi yar ki mira ronan

rup darsan dikha ai simin tan

nahin to jata hai hat sin suwunan

gard-e-gham sin jo dil hua maila

apne ansu ke ab sin dhonan

shokh jadu ada ne mujh pe siraj

gardish-e-chashm sun kiya tonan