عشق نے خوں کیا ہے دل جس کا

عشق نے خوں کیا ہے دل جس کا

پارۂ لعل اشک ہے تس کا

یاد کر کر عمل میں لاتا ہوں

ہر سخن عشق کے مدرس کا

چشم ساقی کا وصف لکھتا ہوں

لے قلم ہات شاخ نرگس کا

غم نے پیلا کیا ہمارا رنگ

کیمیا گر نے زر کیا مس کا

زلف دکھلا کے دل لپیٹ لیا

اب پریشاں ہے حال مجلس کا

تم نے پائے ہو حسن کی دولت

پوچھتے کب ہو حال مفلس کا

بے کسی مجھ سیں آشنا ہے سراجؔ

نہیں تو عالم میں کون ہے کس کا

ishq ne khun kiya hai dil jis ka

para-e-laal ashk hai tis ka

yad kar kar amal mein lata hun

har sukhan ishq ke mudarris ka

chashm-e-saqi ka wasf likhta hun

le qalam hat shakh nargis ka

gham ne pila kiya hamara rang

kimiya gar ne zar kiya mis ka

zulf dikhla ke dil lapet liya

ab pareshan hai hal majlis ka

tum ne pae ho husn ki daulat

puchhte kab ho hal muflis ka

be kisi mujh sin ashna hai siraj

nahin to alam mein kaun hai kis ka