شیخ نے ناقوس کے سر میں جو خود ہی تان لی

شیخ نے ناقوس کے سر میں جو خود ہی تان لی

پھر تو یاروں نے بھجن گانے کی کھل کر ٹھان لی

مدتوں قائم رہیں گی اب دلوں میں گرمیاں

میں نے فوٹو لے لیا اس نے نظر پہچان لی

رو رہے ہیں دوست میری لاش پر بے اختیار

یہ نہیں دریافت کرتے کس نے اس کی جان لی

میں تو انجن کی گلے بازی کا قائل ہو گیا

رہ گئے نغمے حدی خوانوں کے ایسی تان لی

حضرت اکبرؔ کے استقلال کا ہوں معترف

تابہ مرگ اس پر رہے قائم جو دل میں ٹھان لی

shaikh ne naqus ke sar mein jo khud hi tan li

phir to yaron ne bhajan gane ki khul kar than li

muddaton qaim rahengi ab dilon mein garmiyan

main ne foto le liya us ne nazar pahchan li

ro rahe hain dost meri lash par be ikhtiyar

ye nahin daryaft karte kis ne us ki jan li

main to anjan ki gale bazi ka qail ho gaya

rah gae naghme hadi khwanon ke aisi tan li

hazrat-e-akbar ke istiqlal ka hun motarif

taba marg us par rahe qaim jo dil mein than li