ظاہراً موت ہے قضا ہے عشق

ظاہراً موت ہے قضا ہے عشق

پر حقیقت میں جاں فزا ہے عشق

دیتا ہے لاکھ طرح سے تسکین

مرض ہجر میں دوا ہے عشق

تا دم مرگ ساتھ دیتا ہے

ایک محبوب با وفا ہے عشق

دیکھ نساخؔ گر نہ ہوتا کفر

کہتے بے شبہ ہم خدا ہے عشق

zahiran maut hai qaza hai ishq

par haqiqat mein jan faza hai ishq

deta hai lakh tarah se taskin

maraz-e-hijr mein dawa hai ishq

ta dam-e-marg sath deta hai

ek mahbub ba wafa hai ishq

dekh nassakh gar na hota kufr

kahte be shuba ham khuda hai ishq