عاشق کا جہاں میں گھر نہ دیکھا

عاشق کا جہاں میں گھر نہ دیکھا

ایسا کوئی در بدر نہ دیکھا

جیسا کہ اڑے ہے طائر دل

ایسا کوئی تیز پر نہ دیکھا

خوبان جہاں ہوں جس سے تسخیر

ایسا کوئی ہم ہنر نہ دیکھا

ٹوٹے دل کو بنا دکھاوے

ایسا کوئی کاری گر نہ دیکھا

اس تیغ نگہ سے ہو مقابل

ایسا کوئی بے جگر نہ دیکھا

جاری ہیں ہمیشہ چشمۂ چشم

ایسا کوئی ابر تر نہ دیکھا

جو آب ہے آبرو میں حاتمؔ

ایسا کوئی ہم گہر نہ دیکھا

ashiq ka jahan mein ghar na dekha

aisa koi dar badar na dekha

jaisa ke ure hai tair-e-dil

aisa koi tez par na dekha

khuban-e-jahan hun jis se taskhir

aisa koi ham hunar na dekha

tute dil ko bana dikhawe

aisa koi kari gar na dekha

is tegh-e-nigah se ho muqabil

aisa koi be jigar na dekha

jari hain hamesha chashma-e-chashm

aisa koi abr-e-tar na dekha

jo ab hai abru mein hatim

aisa koi ham guhar na dekha