ظالم مرے جگر کوں کرے کیوں نہ پھانک پھانک

ظالم مرے جگر کوں کرے کیوں نہ پھانک پھانک

سیکھا ہے وو نگہ کا پٹا اور ادا کا بانک

پوتھی خیال یار کی آئی ہے جب سیں ہات

دل کے ورق پہ تب سیتی لکھتا ہوں غم کی آنک

انگشتری کوں دل کی بنایا ہوں نذر یار

لخت جگر کے لعل کوں الفت کا دیکھ ڈانک

آتا ہے یاد پھول کے دیکھے سیں گل بدن

عاشق کا چھیلتی ہے جگر بلبلوں کی ہانک

جان جہاں کا ذوق اگر ہے تجھے سراجؔ

پنہاں نگاہ غیر سیں پردے میں دل کے جھانک

zalim mire jigar kun kare kyun na phank phank

sikha hai wo nigah ka pita aur ada ka bank

pothi khayal-e-yar ki ai hai jab sin hat

dil ke waraq pe tab saiti likhta hun gham ki ank

angushtari kun dil ki banaya hun nazr-e-yar

lakht-e-jigar ke laal kun ulfat ka dekh dank

ata hai yad phul ke dekhe sin gul badan

ashiq ka chhilti hai jigar bulbulon ki hank

jan-e-jahan ka zauq agar hai tujhe siraj

pinhan nigah ghair sin parde mein dil ke jhank