سنئے اے جاں کبھی اسیر کی عرض

سنئے اے جاں کبھی اسیر کی عرض

اپنے کوچے کے جا پذیر کی عرض

چھد گیا دل زباں تلک آتے

ہم نے جب کی نگہ کے تیر کی عرض

اس گھڑی کھلکھلا کے ہنس دیجے

ہے یہی اب تو کہنہ پیر کی عرض

جب تو اس گل بدن شکر لب نے

یوں کہا سن کے اس حقیر کی عرض

اب تلک دھن ہے حسن دنداں کی

دیکھ اس پوپلے نظیرؔ کی عرض

suniye ai jan kabhi asir ki arz

apne kuche ke ja pazir ki arz

chhid gaya dil zaban talak ate

ham ne jab ki nigah ke tir ki arz

us ghari khulkhula ke hans dije

hai yahi ab to kohna pir ki arz

jab to us gul badan shakar lab ne

yun kaha sun ke is haqir ki arz

ab talak dhun hai husn dandan ki

dekh is pople nazir ki arz