برسات

وہ دیکھو اٹھی کالی کالی گھٹا

ہے چاروں طرف چھانے والی گھٹا

گھٹا کے جو آنے کی آہٹ ہوئی

ہوا میں بھی اک سنسناہٹ ہوئی

گھٹا آن کر مینہ جو برسا گئی

تو بے جان مٹی میں جان آ گئی

زمیں سبزے سے لہلہانے لگی

کسانوں کی محنت ٹھکانے لگی

جڑی بوٹیاں پیڑ آئے نکل

عجب بیل پتے عجب پھول پھل

ہر اک پیڑ کا یک نیا ڈھنگ ہے

ہر اک پھول کا اک نیا رنگ ہے

یہ دو دن میں کیا ماجرا ہو گیا

کہ جنگل کا جنگل ہرا ہو گیا

جہاں کل تھا میدان چٹیل پڑا

وہاں آج ہے گھاس کا بن پڑا

ہزاروں پھدکنے لگے جانور

نکل آئے گویا کہ مٹی کے پر

wo dekho uthi kali kali ghata

hai charon taraf chhane wali ghata

ghata ke jo ane ki ahat hui

hawa mein bhi ik sansanahat hui

ghata an kar menh jo barsa gai

tu be jan mitti mein jan a gai

zamin sabze se lahlahane lagi

kisanon ki mehnat thikane lagi

juri botiyan per ae nikal

ajab bel patte ajab phul phal

har ik per ka yak naya dhang hai

har ik phul ka ik naya rang hai

ye do din mein kya majra ho gaya

ke jangal ka jangal hara ho gaya

jahan kal tha maidan chatyal para

wahan aj hai ghas ka ban para

hazaron phudakne lage janwar

nikal ae goya ke mitti ke par