برسوں آنکھوں میں رہے آنکھوں سے پھر کر دل میں آئے

برسوں آنکھوں میں رہے آنکھوں سے پھر کر دل میں آئے

راہ سیدھی تھی مگر پہنچے بڑے چکر سے آپ

کٹ گئے لاکھوں گلے اس تیزیٔ رفتار سے

اب تو چل نکلے زیادہ اپنے بھی خنجر سے آپ

اپنے سینہ سے دبا دیجے ذرا سینہ مرا

چور کیجے شیشہ دل کو اسی پتھر سے آپ

حضرت زاہد نکل آیا فلک پر آفتاب

پیر و مرشد اب تو اٹھیے میکدے کے در سے آپ

کیوں جناب داغؔ یاد اللہ میری یاد ہے

بھیس بدلے رات کو آتے تھے کس کے گھر سے آپ

barson ankhon mein rahe ankhon se phir kar dil mein ae

rah sidhi thi magar pahunche bare chakkar se ap

kat gae lakhon gale is tezi-e-raftar se

ab to chal nikle ziyada apne bhi khanjar se ap

apne sina se daba dije zara sina mira

chur kije shisha dil ko isi patthar se ap

hazrat-e-zahid nikal aya falak par aftab

pir-o-murshid ab to uthiye maikade ke dar se ap

kyun janab-e-dagh yad allah meri yad hai

bhes badle rat ko ate the kis ke ghar se ap